گوگل نے نیا طاقتور اے آئی ماڈل جیمنائی 4 آرگون متعارف کرا دیا

واشنگٹن (ویب نیوز) گوگل کی پیرنٹ کمپنی الفابیٹ نے نیا مصنوعی ذہانت ماڈل جیمنائی 4 آرگون متعارف کرا دیا ہے، جسے پیچیدہ اور طویل دورانیے کے کاموں میں گہری استدلالی صلاحیت کے لیے تیار کیا گیا ہے۔ گوگل کے مطابق ماڈل سافٹ ویئر انجینئرنگ، کوڈنگ، تحقیق، تحریر، قانونی و مالیاتی کاموں اور سائبر سکیورٹی میں اعلیٰ صلاحیت رکھتا ہے جبکہ اسے دفاعی سائبر سکیورٹی کے لیے اس طرح تربیت دی گئی ہے کہ یہ سافٹ ویئر کی اہم کمزوریوں کو خودکار طور پر تلاش، جانچ اور دور کرنے میں مدد دے سکتا ہے۔ گوگل نے فی الحال اسے اپنے فئیر وِنڈ پروگرام کے تحت قابلِ اعتماد سائبر سکیورٹی ماہرین تک محدود رکھا ہے تاکہ حفاظتی نظام کو مزید بہتر بنایا جا سکے، جبکہ ڈویلپرز، کاروباری اداروں اور عام صارفین کے لیے اس کی دستیابی مرحلہ وار متوقع ہے۔