پیٹرول 4 روپے 61 پیسے مہنگا، ڈیزل 1 روپے 96 پیسے سستا کردیا گیا

اسلام آباد(ویب نیوز) وفاقی حکومت نے 22 ستمبر کے لیے پیٹرولیم مصنوعات کی نئی قیمتوں کا اعلان کردیا، جس کے مطابق پیٹرول کی قیمت میں 4 روپے 61 پیسے فی لیٹر اضافہ جبکہ ڈیزل کی قیمت میں 1 روپے 96 پیسے فی لیٹر کمی کی گئی ہے۔ نوٹیفکیشن کے مطابق پیٹرول کی نئی قیمت 393 روپے 75 پیسے جبکہ ڈیزل کی قیمت 422 روپے 8 پیسے فی لیٹر مقرر کردی گئی ہے۔ پیٹرولیم ڈویژن کے مطابق اوگرا نے عالمی مارکیٹ میں پیٹرول اور ڈیزل کی قیمتوں سے منسلک ایکس ڈپو قیمتوں میں ردوبدل کیا ہے۔