ایران پر حملہ ہوا تو جواب پہلے سے زیادہ شدید اور تکلیف دہ ہوگا، قالیباف

تہران(ویب نیوز) ایرانی پارلیمنٹ کے اسپیکر محمد باقر قالیباف نے امریکا کو خبردار کیا ہے کہ ایران کے مفادات اور سلامتی کے خلاف کسی بھی مزید حملے کا جواب پہلے سے زیادہ تیز، بھاری اور تکلیف دہ ہوگا۔ قالیباف نے کہا کہ امریکا کو بہت دیر ہونے سے پہلے سمجھ لینا چاہیے کہ جنگ کے اصول تبدیل ہوچکے ہیں اور متناسب جوابی کارروائیوں کا دور ختم ہوگیا ہے۔ ان کے مطابق ایران کے حالیہ حملوں میں امریکی اڈوں کو پہنچنے والا نقصان صرف ابتدا تھا، جبکہ ایران کی سلامتی یا اثاثوں کے خلاف کسی بھی خلاف ورزی کا سخت جواب دیا جائے گا۔ قالیباف نے کہا کہ ایران کو فوجی محاذ کے ساتھ معیشت، مہنگائی، روزگار اور مارکیٹ کے مسائل پر بھی توجہ دینا ہوگی۔