میختر میں سیلابی ریلہ، نشیبی علاقوں میں گھروں کو نقصان پہنچنے کا خدشہ

میختر (ویب نیوز): میختر میں شدید بارشوں کے باعث سیلابی ریلہ گزرنے سے متعدد نشیبی علاقوں میں گھروں اور املاک کو نقصان پہنچنے کا خدشہ پیدا ہوگیا ہے۔ مقامی افراد کے مطابق پانی کی سطح مسلسل بلند ہو رہی ہے جس کے باعث مختلف آبادیوں میں تشویش کی لہر دوڑ گئی ہے۔ شہریوں نے حکومت، ضلعی انتظامیہ اور متعلقہ اداروں سے فوری امدادی کارروائیاں، حفاظتی انتظامات اور متاثرہ علاقوں میں بروقت امداد کی فراہمی کا مطالبہ کیا ہے تاکہ کسی بھی جانی و مالی نقصان سے بچا جا سکے۔ انتظامیہ نے شہریوں کو غیر ضروری نقل و حرکت سے گریز اور احتیاطی تدابیر اختیار کرنے کی ہدایت کی ہے۔