افغان طالبان حکومت پر مبینہ الزامات، کابل میں وی آئی پی سرگرمیوں کی تصاویر پر بحث

کابل (ویب نیوز) افغانستان کے دارالحکومت کابل میں چند تصاویر سوشل میڈیا پر وائرل ہونے کے بعد نئی بحث شروع ہو گئی ہے، جن کے حوالے سے دعویٰ کیا جا رہا ہے کہ بعض افراد ایک فائیو اسٹار ہوٹل میں موجود تھے۔افغان میڈیا اور سوشل میڈیا رپورٹس میں کہا گیا ہے کہ یہ تصاویر مبینہ طور پر کابل کے ایک معروف ہوٹل کی ہیں جہاں کچھ افراد کی موجودگی دکھائی گئی ہے، تاہم ان افراد کی شناخت اور پس منظر کے بارے میں آزاد ذرائع سے تصدیق نہیں ہو سکی۔رپورٹس میں یہ بھی دعویٰ کیا گیا ہے کہ ان تصاویر کے منظر عام پر آنے کے بعد مختلف حلقوں میں سوالات اٹھائے جا رہے ہیں کہ ایسے افراد کو کس نوعیت کی سہولتیں حاصل تھیں۔ دوسری جانب اس معاملے پر افغان حکام کی جانب سے فوری طور پر کوئی باضابطہ موقف سامنے نہیں آیا۔دفاعی اور سیاسی تجزیہ کاروں کے مطابق اس نوعیت کی اطلاعات خطے میں پہلے سے موجود کشیدہ صورتحال کو مزید پیچیدہ بنا سکتی ہیں، تاہم حتمی رائے کے لیے آزاد اور تصدیق شدہ تحقیقات ضروری ہیں۔