روس، چین اور عمان کا ایران پر ممکنہ امریکی حملوں کی خبروں پر اظہارِ تشویش

ماسکو/بیجنگ (ویب نیوز) روس، چین اور عمان نے ایران پر امریکا کے ممکنہ نئے حملوں سے متعلق خبروں پر تشویش کا اظہار کیا ہے۔ روسی صدر ولادیمیر پیوٹن نے ایرانی نیشنل سکیورٹی کونسل کے سیکریٹری محسن رضائی سے ٹیلی فون پر رابطہ کیا، جبکہ چین کے وزیر خارجہ وانگ یی نے ایران کے حقِ دفاع کی حمایت کا اعادہ کیا۔ چینی صدر شی جن پنگ اور عمان کے سلطان ہیثم بن طارق نے امریکا اور ایران پر زور دیا کہ اسلام آباد مفاہمتی یادداشت پر عمل درآمد کرتے ہوئے باضابطہ مذاکرات بحال کریں۔ دوسری جانب خلیجی ممالک کو خدشہ ہے کہ نئی کشیدگی کی صورت میں خطے میں قائم امریکی فوجی اڈے اور توانائی تنصیبات ایرانی جوابی کارروائیوں کا نشانہ بن سکتے ہیں۔