بھارت کو سفارتی محاذ سمیت ہر جگہ ہزیمت اٹھانا پڑ رہی ہے، خواجہ آصف

کوئٹہ (ویب نیوز) وزیر دفاع خواجہ محمد آصف نے کہا ہے کہ بھارت کو سفارتی محاذ سمیت ہر جگہ ہزیمت کا سامنا ہے۔ پارلیمنٹ ہاؤس میں میڈیا سے گفتگو کرتے ہوئے انہوں نے کہا کہ سندھ طاس معاہدے سے متعلق ثالثی عدالت کا فیصلہ واضح ہے اور معاہدہ یکطرفہ طور پر ختم نہیں کیا جاسکتا۔ ان کا کہنا تھا کہ معاہدے میں کسی بھی تبدیلی کے لیے دونوں فریقوں کی رضامندی ضروری ہے۔ خواجہ آصف نے کہا کہ پاکستان عالمی فورم پر اپنا مؤقف پیش کرنے میں کامیاب رہا ہے اور بھارت کی جانب سے معاہدے کی خلاف ورزی روکنے کے لیے موجودہ فریم ورک برقرار رہے گا۔