سعودی اتحاد کا حوثیوں سے شہریوں پر حملے روکنے کا مطالبہ، نئی کارروائیوں کا اعلان

کوئٹہ (ویب نیوز) سعودی عرب کی قیادت میں قائم عسکری اتحاد نے یمن کے حوثیوں سے شہریوں اور شہری تنصیبات کے خلاف کارروائیاں فوری طور پر بند کرنے کا مطالبہ کیا ہے۔ اتحاد کے ترجمان میجر جنرل ترکی المالکی کے مطابق حوثیوں کے زیر استعمال اہم عسکری اہداف کو غیر مؤثر بنانے کے لیے نئی ہدفی فوجی کارروائیاں کی گئی ہیں۔ انہوں نے کہا کہ شہریوں کے تحفظ اور خطے کی سلامتی کے لیے ضروری آپریشنل اقدامات جاری رہیں گے، تاہم بیان میں نشانہ بنائے گئے مقامات کی تفصیلات فراہم نہیں کی گئیں۔